Хитай соңхуаҗяң дәрясини тазилимақчи

Хитай һөкүмити хейлоңҗаң өлкисидики бир зәһәрлик химийилик маддиларни ишләпчиқиридиған завутниң өткән йили 11-айда партлап кетишидин келип чиққан соңхуаҗяң дәрясиниң еғир дәриҗидә булғинишиниң ақивәтлирини ойлишишқа мәҗбур болди.

Б б с агентлиқиниң учуридин қариғанда, хитай 2006-2010-йилиғичә болған арилиқта үч милярд доллар хәҗләп соңхуаҗяң дәрясини тазилашқа, бузулған муһитни оңшап, аһалиларниң пакиз су ичишигә капаләтлик қилишни қарар қилған.

Соңхуаҗяң дәрясиниң булғиниш нисбити пүтүн хитайдики булғиниш өлчәмлиридин 33 һәссә ешип кәткән болуп, мәзкур дәря вадисида 62 милйондин артуқ адәм яшайду.

Соңхуаҗяң дәряси амур дәрясиға қоюлғанлиқи үчүн, русийә һөкүмити вә пуқралириму мәзкур зәһәрлик маддилардин наһайити әнсиримәктә, һәтта хитайни төләм төлитиш пикирлири, хитайға қарши кәйпиятлири мәйданға чиқмақта. (Үмидвар)