Xitay muhit bulghinish mesiliside köz boyamchiliq qilmaqta

Xitay organ metnu'atliri peyshenbe küni, xitaydiki bir qisim yerlik hökümetler, muhit bulghinish mesiliside köz boyamchiliq qilip , yalghan melumat élan qiliwatqanliqini ashkarilidi.

Xitayda muhit bulghinish mesilisi intayin éghir bolup, xitay ahalisining muhit bulghinish bolghan naraziliqi künséri kücheymekte. Xitay 2008 ‏- yili ötküzülidighan olimpik tenterbiye murasimi üchün, béyjingning muhitini yaxshilashqa alahide küch serp qilmaqta.

Shinxu'a agéntliqi ismini ashkarilashni xalimighan bir muhit qoghdash xadimining sözini neqil keltürüp, bu yil bir qisim yerlik hökümetlirining muhit bulghinishini kontrol qilish doklatida , muhit bulghinish derijisining töwenligenliki qeyt qilin'ghan, eksiche heqiqi muhit bulghinish ehwali bolsa kündin - kün'ge yamanlashmaqta iken.

Bu xadim sözide yene, nöwette yerlik hökümetning muhit bulghinish ehwalini heqiqi inkas qilghay, köz boyamchiliq qiliwatqanliqini bildürgen.

Béyjingning muhit bulghinishini hich bolmighanda 2 % azaytish heqqidiki höjjiti alliqachan , yerlik hökümet orunliridin 26 sige chüshürülgen. Emma yerlik hökümet orunlirining mezkur xizmet wezipisini qanchilik derijide orunlighanliqi téxi éniq emes iken.

Xitayda hawa bilen suning bulghinish derijisi eng éghir hésablinidu. (Eqide)