Хитайда дәря еқини булғиниш һадисиси көпәймәктә


2007.04.06
Share on WhatsApp
Share on WhatsApp

Йеқинқи йиллардин буян хитайда дәря еқинлириниң химийилик маддиларниң сақиндилири билән булғиниш һадисилири көпийишкә башлиди.

Бу айда хитайдики хуңхе дәряси көп миқдардики қоғошун вә башқа мәдән маддилар билән булғанған. Нәтиҗидә җәнубий хитайдики 150 миң адәмниң ичимлик су мәнбийи тохтитилған. Бирләшмә агентлиқиниң хәвиригә асасланғанда, бу дәряниң аз дегәндиму 100 кило метир қисими булғанған.

Мәзкур дәря бойиға җайлашқан йәнтән ичимлик су ширкитиниң тәминләш завутлири тақалған болуп, бу һадисә 150 миң адәмниң күндилик турмушиға тәсир көрситидикән. Хитай һөкүмәт даирлириниң билдүрүшичә, хитайдики асаслиқ дәряларниң һәммиси дегидәк булғанған, буниң билән хитайда йәнә милйонлиған адәм пакиз су ичишкә наил болалмай күн кәчүрмәктә икән.

2005 - Йилиму харбиндики суңхуа дәрясиниң нефиттин булғиниш һадисиси келип чиқип, хитай һөкүмити нәччә милйон адәмниң ичимлик сүйини вақитлиқ тохтитишқа мәҗбур болған иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.