Xitayda derya éqini bulghinish hadisisi köpeymekte

Yéqinqi yillardin buyan xitayda derya éqinlirining ximiyilik maddilarning saqindiliri bilen bulghinish hadisiliri köpiyishke bashlidi.

Bu ayda xitaydiki xungxé deryasi köp miqdardiki qoghoshun we bashqa meden maddilar bilen bulghan'ghan. Netijide jenubiy xitaydiki 150 ming ademning ichimlik su menbiyi toxtitilghan. Birleshme agéntliqining xewirige asaslan'ghanda, bu deryaning az dégendimu 100 kilo métir qisimi bulghan'ghan.

Mezkur derya boyigha jaylashqan yenten ichimlik su shirkitining teminlesh zawutliri taqalghan bolup, bu hadise 150 ming ademning kündilik turmushigha tesir körsitidiken. Xitay hökümet da'irlirining bildürüshiche, xitaydiki asasliq deryalarning hemmisi dégidek bulghan'ghan, buning bilen xitayda yene milyonlighan adem pakiz su ichishke na'il bolalmay kün kechürmekte iken.

2005 - Yilimu xarbindiki sungxu'a deryasining néfittin bulghinish hadisisi kélip chiqip, xitay hökümiti nechche milyon ademning ichimlik süyini waqitliq toxtitishqa mejbur bolghan idi. (Jüme)