Ximiyiwiy suyuqluqning shenshidiki deryagha tökülüp kétishi ahalilerge tehdit boldi

Shenshidiki nyuxé deryasigha tökülüp ketken ximiyiwiy suyuqluq, xenchéng shehiridiki 100 ming ahalini su bilen teminleydighan su ambirini bulghighan.

Amérika birleshme agéntliqining xewer qilishiche, jüme küni shenshining xenchéng shehiride ximiyiwiy suyuqluqni toshup mangghan bir mashina bu yerdin ötidighan nyuxé deryasigha chüshüp kétip, mashinidiki 25 tonna ximiyiwiy suyuqluqning hemmisi deryagha tökülüp ketken. Shundaqla ikki shopurning biri meq meydanda qaza qilghan.

Songxu'ajyang deryasining bir tarmiqi bolghan nyuxé deryasining töwen éqinida bir su ambiri bar bolup, bulghan'ghan derya süyi bu ambargha quyulghachqa, xenchéng shehiridiki 100 ming ahalini su bilen teminleydighan bu ambarning süyi éghir derijide bulghan'ghan. Xitay da'iriliri munasiwetlik orunlarning bulghan'ghan sularni tazilash ishlirini jiddiy élip bériwatqanliqini hemde bulghinishni kontrol qilghili bolidighanliqini xewer qildi. (Peride)