Ғәрбий җәнуби хитайда нәччә миң амма булғинишқа қарши намайиш елип барди


2007.07.30
Share on WhatsApp
Share on WhatsApp

Ғәрбий җәнуби хитайда нәччә миң амма бу районға қурулған пива завути ичимлик су мәнбийини булғиди, дәп әйибләп намайиш елип барди.

Баш штаби хоңкоңға җайлашқан " кишилик һоқуқ вә демократийә учур мәркизи "ниң билдүрүшичә, сичүән өлкиси тәвәсидики йүәнши йезисида нәччә миң амма ичимлик вә суғиришқа ишлитидиған су мәнбәйиниң булғинишиға қарши намайиш елип барған.

Намайишчи амма 26- июл сичүән өлкиси шифаң шәһиригә җайлашқан пива завутини қоршивалған вә завутни паләч һалға чүшүрүп қойған.

Бу намайишини тинчитиш үчүн, хитай сақчи даирилири 500 дин артуқ қораллиқ сақчи қисим әскәрлирини һәрикәткә кәлтүргән болуп, нәтиҗидә сақчилар билән намайишчи амма арисида кәскин тоқунуш йүз бәргән. Тоқунуш җәрянида 20 адәм яриланған вә 7 адәм қолға елинған.

Бундин бурунму хитайниң башқа җайлирида булғинишқа қарши коп қетим намайишлар йүз бәргән болуп бу йилниң бешида фуҗйән өлкисидики йәрлик амма булғинишқа қарши намайиш елип барған иди.

Кишилик һоқуқ тәшкилатлириниң билдүрүшичә, бу қетимқиси хитайда булғинишқа қарши елип берилған әң йеңи намайиш икән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.