Xitayning 3/1 qisim jayi késlataliq yamghurning tesirige uchrimaqta

Xitay dölet ziminining 3/1 qisimi nöwette késlataliq yamghurning tesirige uchrap, tupraq süpiti we zira'etlerning bixeterlik éghir ziyan'gha uchrimaqta.

Xitay xelq qurultiyi da'imiy ishlar komitétining mu'awin bashliqi shén xu'arénning bildürishiche, 2005‏- yili xitaydiki 696 sheher we nahiyede élip barghan tekshürüshke qarighanda, bu jaylarning yérimidin köpi késlataliq yamghurning tesirige uchrighan. Hetta bezi jaylardiki késlataliq yamghurning yéghish nisbiti 100% ke yétip, yaghqanla yamghurning hemmisi késlataliq bolghan.

Shénxu'arén yene bu heqte bir parche doklat élan qilip, oninji besh yilliq pilan mezgilining muhit qoghdash pilanidiki ikki asasliq körsetmining yaxshi ijra qilinmighanliqini otturigha qoydi. U bolsimu, biri, karbon 4 oksidning hawagha qoyup bérilish miqdari töwenlimestin eksiche ashqan. Ikkinchisi, ximiyiwiy terkiwi bar gazlarning hawagha qoyup bérilishi téximu éghirlashqan.

Uning éytishiche, tereqqiy qilghan döletlerde muhit mesilisi 100 yilliq sana'etlishish jeryanida asta-asta körülgen bolsa, bu ehwalning hemmisi xitayda nahayiti qisqa mezgil ichidila körülgen. (Peride)