Prézidént bush soda mesilisini junggo - amérika bashliqlar söhbitidiki muhim téma dédi
2006.04.11
Prézidént jorji bush, xitay dölet re'isi xu jintaw bilen kéler hepte aq sarayda uchrashqanda soda mesilisining muhim muzakire témisi bolup qalidighanliqini bildürdi. Bush, washin'gtondiki jon xopkéns uniwérsitétining nétsi xelq'ara munasiwetler mektipide söz qilip, men junggo rehbirining washin'gton'gha kélishte soda mesilisidiki sürkilishni yumshitish üchün tedbir élishqa teyyarliq qilip qoyushini ümid qilimen, dédi.
U, " re'is xu jintaw 200 milyard dollardin artuq passip soda balanisigha ige bir döletke kéliwatidu. Nurghun amérikiliqlar sodidiki adilliq qéni, dep gumanlanmaqta " deydu. Prézidént bushning eskertishiche, soda mesiliside ikki nersini bir terep qilishqa alahide toghra kélidiken. Junggo xelq pulining qimmitni'i chüshürüp, éksporttiki adaletsiz üstünlükni saqlimaqta, dep tekitligen bush, re'is xujintaw patnit hoquqi we eqliy mülük hoquqini qoghdashqa kapaletlik qilishi kérek, dep körsetti. U, " bizning patnit hoquqimizni yaki mehsulatimizni qoghdash - qoghdalmasliqini mu'eyyenleshtürelmeydighan bir döletke kirish nahayiti tes mesile " deydu.
Bushning eskertishiche, u xu jintaw bilen xelq pulining qimmiti, patnit hoquqi we eqliy mülük hoquqini muzakire qilish bilen birge kishilik hoquq, teywen we shimaliy koriye mesilisinimu muzakire qilidiken. Bu arida seyshenbe küni junggo - amérika soda we iqtisad birleshme komitéti aq saraydiki bashliqlar söhbitide muzakire qilinidighan iqtisadiy mesililer üstide muzakire élip bardi.
Munasiwetlik maqalilar
- Amérika dölet mejlis ezaliri yang jyenlini qoyup bérishke chaqiridighan qarar maqullidi
- Wu yi amérika bilen soda hemkarliq toxtimi tüzmekchi
- Xitay, amérika bilen bolghan munasiwetlirini yaxshilashni xalaydighanliqini bildürdi
- Robért zoléyk, béyjingda xitay - amérika munasiwetliri boyiche söhbet élip bardi
- Xitay amérika bilen herbiy alaqini kücheytishni xalaydighanliqini bildürdi