Kanada xitay bilen kishilik hoquq söhbitini waqtinche toxtitishni qarar qildi

• 
  2006-10-06

Kanada hökümiti xitay bilen yilda bir qétim ötküzidighan kishilik hoquq söhbitining hazirghiche héchqandaq ünümi bolmighanliqini ilgiri sürüp, bu söhbetni waqtinche toxtitidighanliqini élan qildi. Kanada bash ministiri stifén xarpérning parlamént ishliri sékritari jéysin kéniyning eskertishiche, kanada xitay emeldarliri bilen bu yil küzde ötküzmekchi bolghan kishilik hoquqi söhbitini ötküzmeydighan bolghan. U, kanada hökümiti ikki dölet arisidiki söhbetning tégishlik ünüm bermigenlikini mölcherlidi, dep körsetti.

Jéysin kéniy, " biz xitay bilen kishilik hoquq söhbitimizning ehmiyetsiz uchrishish emes, ünümlük netijisi bolghan söhbet bolushini arzulaymiz " deydu. Uning eskertishiche, kanada xitayni ehmiyetlik söhbetke heydekchilik qilidighan yéngi yollar üstide izdinidiken. Kanada hökümiti chiqarghan bu qararning hüseyin jélil weqesi bilen munasiwiti bar - yoqluqi melum emes. Lékin béyjing hökümiti kanada puqrasi hüseyin jélilni kanadagha qayturup bérishni ret qilip,uni hazirghiche kanada emeldarliri bilen körüshtürmigen.

Jéysin kéyniy, kanada hökümitining her yili xitaygha béridighan 60 milyon dollar heqsiz yardimini toxtatmaqchi boluwatqanliqini bildürdi.