"Чаған байрими" да от апити шуниңдәк қатнаш җиддийлики әвҗ алди


2007.02.25
Share on WhatsApp
Share on WhatsApp

Хитай мәтбуатлириниң хәвәрлиригә асасланғанда, хитайниң "чаған байрими" мәзгилидә хитайниң һәр қайси җайлирида 9100 қетим от апити йүз берип, 42 адәм һаятидин айрилған, 7 адәм яриланған һәмдә келип чиққан бивастә иқтисадий зиян 13 милйон йүәнгә йәткән.

Шинхуа агентлиқиниң билдүришичә, от апитиниң асаслиқ сәвәби, хитайниң әнәниси бойичә, чағанда поҗаңза етиштин келип чиққан болуп, өткән йили чағанда 63 адәм қаза қилған.

Бу арида хитай қатнаш министирлиқи, чаған аяқлишиши билән тәң, қатнаш вастилириниң адәм тошуш қетим сани әң юқири пәллигә чиқққанлиқини ашкарилиди.

24 ‏- Феврал бир күн ичидә аптомобил қатниши арқилиқ йолға селинған адәм сани 56 милйон 500миңға , пойиз билән тошулған адәм сани 4 милйон 800 миңға, айрупилан йолучилириниш сани 620 миңға йәткән.

Хитай һөкүмәт хадимлириниң ейтишичә, кейинки 10 күн ичидә пәқәт бейҗиңға тошулидиған йолучилар сани күнигә 500 миң адәм қетимға , гуаңҗоға тоулидиған адәм сани 300 миң адәм қетимға йетидикән.

Хитай даирилири, " чаған " мунасивити билән пуқраларни аз дегәндә 7 күндин 10 күнгичә дәп елишқа қоюп берип, чаған тәнтәниси елип беришни тәшәббүс қилидикән. Бирақ уйғур сияси күзәткүчиләр, һәр йили чаған байрими һарписида уйғур сиясий мәһбуслириниң қәтлә қилинидиғанлиқини инкас қилишмақта. Бу йил уйғур паалийәтчиси исмайил сәмәт" террорчи" дигән қалпақ билән етип өлтүрүлди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.