"Chaghan bayrimi" da ot apiti shuningdek qatnash jiddiyliki ewj aldi

Xitay metbu'atlirining xewerlirige asaslan'ghanda, xitayning "chaghan bayrimi" mezgilide xitayning her qaysi jaylirida 9100 qétim ot apiti yüz bérip, 42 adem hayatidin ayrilghan, 7 adem yarilan'ghan hemde kélip chiqqan biwaste iqtisadiy ziyan 13 milyon yüen'ge yetken.

Shinxu'a agéntliqining bildürishiche, ot apitining asasliq sewebi, xitayning en'enisi boyiche, chaghanda pojangza étishtin kélip chiqqan bolup, ötken yili chaghanda 63 adem qaza qilghan.

Bu arida xitay qatnash ministirliqi, chaghan ayaqlishishi bilen teng, qatnash wastilirining adem toshush qétim sani eng yuqiri pellige chiqqqanliqini ashkarilidi.

24 ‏- Féwral bir kün ichide aptomobil qatnishi arqiliq yolgha sélin'ghan adem sani 56 milyon 500minggha , poyiz bilen toshulghan adem sani 4 milyon 800 minggha, ayrupilan yoluchilirinish sani 620 minggha yetken.

Xitay hökümet xadimlirining éytishiche, kéyinki 10 kün ichide peqet béyjinggha toshulidighan yoluchilar sani künige 500 ming adem qétimgha , gu'angjogha to'ulidighan adem sani 300 ming adem qétimgha yétidiken.

Xitay da'iriliri, " chaghan " munasiwiti bilen puqralarni az dégende 7 kündin 10 kün'giche dep élishqa qoyup bérip, chaghan tentenisi élip bérishni teshebbüs qilidiken. Biraq Uyghur siyasi küzetküchiler, her yili chaghan bayrimi harpisida Uyghur siyasiy mehbuslirining qetle qilinidighanliqini inkas qilishmaqta. Bu yil Uyghur pa'aliyetchisi ismayil semet" térrorchi" digen qalpaq bilen étip öltürüldi. (Eqide)