Chégrisiz muxbirlar teshkilati xitayni chet'ellik muxbirlargha tosqunluq qilish bilen eyiblidi
2008.01.11
Chégrisiz muxbirlar teshkilati xitay bixeterlik organlirini döletning olimpik mezgilidiki axbarat erkinlik belgilimisige xilapliq qilip, xitay öktichiliridin eydiz pa'aliyetchisi xu jyaning öyini ziyaret qilmaqchi bolghan chet'ellik muxbirlargha tosqunluq qilish shundaqla adwokatning xu jya bilen körüshüsh hoquqigha buzghunchiliq qilish bilen eyiblidi.
Merkizi parizhdiki chégrisiz muxbirlar teshkilati jüme küni élan qilghan bayanatida xitay da'irilirining xu jyani qoyuwétish heqqidiki chaqiriqlargha pisent qilmayla qalmay, xu jyaning ayali séng jinyen we uning bowiqini nezerbent qilghanliqini tenqid qildi.
Xu jyaning adwokatining axbarat sahesige ashkarilishiche, saqchilar adwokatning peyshenbe küni séng jinyen bilen körüshüshini cheklep, béyjingdiki bir méhmanxanigha bir qanche sa'et qamap qoyghan we xu jyaning luy fangping isimlik yene bir adwokatini séng jinyen bilen körüshmeslikke agahlandurghan. Jüme küni saqchilar xu jiyaning öyini ziyaret qilmaqchi bolghan chet'ellik muxbirlarni tosap, ularning pasportini tekshürdi hem muxbirlar tartqan resimlerni musadire qildi.
Aldinqi küni xu jyaning ayali öyining balkunigha chiqip, gérmaniyilik muxbirlargha saqchilarning öyidiki intérnét we téléfon alaqisini üzüp tashlighanliqini bildürgen. Shuningdin kéyin saqchilar xu jyaning öyining pütün dérizilirini tömür qangaltir bilen qapliwetken. Nöwette 20 dek saqchi xu jyaning béyjingdiki öyini nazaret qilmaqta iken.
Xu jya xitaydiki közge körün'gen eydiz pa'aliyetchiliridin bolup, u buningdin bir qanche hepte ilgiri tuyuqsiz yoqap ketkendin kéyin, xitay da'iriliri uning "dölet mexpiyetlik "ige chétilip qélish sewebidin qolgha élin'ghanliqini jakarlighan. (Erkin)
Munasiwetlik maqalilar
- Uyghur élide ötken bir yilda yerlerni qanunsiz igiliwélish délosidin 1659 i pash boldi
- Xitay da'iriliri tor bétige sin'alghu körünüshlirini chaplashni cheklidi
- Chégrisiz muxbirlar teshkilati 2007 - yilliq axbarat erkinliki doklatini élan qildi
- Xitay okul arqiliq ölüm jazasi ijra qilishni omumlashturmaqchi
- Kishilik hoquq teshkilatliri xitayni, meshhur eydiz pa'aliyetchisi xu jyani qoyup bérishke chaqirdi
- Chet'el muxbirliri Uyghur éli we tibette yenila qiyinchiliqqa duch kelmekte
- Chégrisiz muxbirlar teshkilati : xitay özining yéngi axbarat belgilimisige hörmet qilish kérek
- Xitayda naraziliq heriketliri kündin - kün'ge kücheymekte
- Kishilik hoquqni közitish teshkilati amérika hökümitidin, xitayning kishilik hoqoqi heqqidiki teleplirini otturigha qoydi
- Chégrisiz muxbirlar teshkilati yawropa parlaméntning xitayda pikir erkinlikini yolgha qoyush heqqidiki qarar layihisini alqishlidi
Köp körülgen xewerler
RFA
- Mutexessisler:“Xitaygha xushxewer bolghan ishlar Uyghurlar üchün shum xewerdur”
- “Shinjang wekilliri” “Dölet ortaq til-yéziqi qanuni” gha özgertish kirgüzmekchi
- En'gliyelik yutubér körgen taqaqliq meschitler we roza tutush cheklen'gen Uyghurlar weziyiti diqqet qozghidi
- Közetküchiler: “Xitayning Uyghur élidiki islahat pilani Uyghurlarni emes, belki xitayning özini bay qilidu”
- Xitaygha qayturulghan Uyghurlarni “Yoqlash” qa mangghan tayland wekiller ömiki agahlanduruldi