Хитай, пуқралирини японийигә қарши һәрикәтләрни тохтитишқа чақирди


2005-04-20
Share

Хитайда нәччә һәптидин буян японийигә қарши һәрикәтләр йүз берип, японийә-хитай мунасивәтлири җиддий түс алғандин кейин, хитай даирилири чаршәнбә күни тунҗи қетим бу һәқтә баянат берип, хәлқниң өзини бесивелишини һәмдә һөкүмәтниң рухсити болмиған асаста намайиш уюштурмаслиқни тәләп қилди.

Хитайдики һәр қайси ахбарат вастилириниң хитай ташқи ишлар министири ли җавшиңниң сөзини нәқил кәлтүрүшичә, ли җавшиң пүтүн хитай хәлқини җәмийәтниң аманлиқиға тәсир йәткүзидиған һәрикәтләрни елип бармаслиққа чақирип, чоқум тәртиплик вә соғуққанлиқ билән пикир ипадиләш керәкликини билдүргән.

Уйғур елидин радиомизниң һәқсиз линийисигә кәлгән хәвәрләрдин мәлум болушичә, нөвәттә уйғур елидики һәр қайси мәктәп даирилириму оқуғучиларға мәхсус йиғин ечип, уларниң һечқандақ намайишқа қатнашмаслиқини тәләп қилған.

Хитайниң ичкири өлкилиридә елип берилған японийигә қарши һәрикәтләрдә, японийиниң бу йәрдики ширкәтлири намайишчиларниң һуҗумиға учриған болсиму, әмма хитай һөкүмити намайишни тохтитиш үчүн һечқандақ тиришчанлиқ көрсәтмәй кәлгән иди.

Хитай дөләт рәиси ху җинтав чаршәнбә күни җакартада ечилидиған асия-африқа йиғиниға қатнишиш үчүн йолға чиққан болуп, у җакартада японийә баш министири җуничиру койзуми билән учришидикән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт