Xitay, puqralirini yaponiyige qarshi heriketlerni toxtitishqa chaqirdi


2005-04-20
Share

Xitayda nechche heptidin buyan yaponiyige qarshi heriketler yüz bérip, yaponiye-xitay munasiwetliri jiddiy tüs alghandin kéyin, xitay da'iriliri charshenbe küni tunji qétim bu heqte bayanat bérip, xelqning özini bésiwélishini hemde hökümetning ruxsiti bolmighan asasta namayish uyushturmasliqni telep qildi.

Xitaydiki her qaysi axbarat wastilirining xitay tashqi ishlar ministiri li jawshingning sözini neqil keltürüshiche, li jawshing pütün xitay xelqini jem'iyetning amanliqigha tesir yetküzidighan heriketlerni élip barmasliqqa chaqirip, choqum tertiplik we soghuqqanliq bilen pikir ipadilesh kéreklikini bildürgen.

Uyghur élidin radi'omizning heqsiz liniyisige kelgen xewerlerdin melum bolushiche, nöwette Uyghur élidiki her qaysi mektep da'irilirimu oqughuchilargha mexsus yighin échip, ularning héchqandaq namayishqa qatnashmasliqini telep qilghan.

Xitayning ichkiri ölkiliride élip bérilghan yaponiyige qarshi heriketlerde, yaponiyining bu yerdiki shirketliri namayishchilarning hujumigha uchrighan bolsimu, emma xitay hökümiti namayishni toxtitish üchün héchqandaq tirishchanliq körsetmey kelgen idi.

Xitay dölet re'isi xu jintaw charshenbe küni jakartada échilidighan asiya-afriqa yighinigha qatnishish üchün yolgha chiqqan bolup, u jakartada yaponiye bash ministiri junichiru koyzumi bilen uchrishidiken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet