Axbarat mukapatigha érishken xitay muxbirning murasimgha qatnishishi cheklendi


2005.05.02
Share on WhatsApp
Share on WhatsApp

Xitay hökümiti b d t ning "axbarat erkinliki" mukapatigha érishken muherrir chén yijongning mukapat tapshuruwélish murasimigha qatnishishini chekligen. Chén yijong, xitayda chiqidighan "jenubiy paytext" gézitining sabiq muherriri bolup, u sars késilining tarqilishini shundaqla mehbuslargha ten jazasi bergen bir xitay saqchining qilmishini pash qilish bilen nam chiqarghan.

Xongkongdiki "jenubiy jonggo etigenlik pochta géziti" xewer qilishiche, gu'angdong ölkisidiki da'iriler chén yijonggha mukapat tarqitish murasimigha qatnashmasliqni uqturghan. B d t ning " axbarat erkinliki" mukapatini tarqitish murasimi seyshenbe küni sénigal paytexti dakarda ötküzületti. Chén yijong hazir gu'angdongdiki "jenub tenterbiye géziti" de ishleydiken.

Bu arida merkizi parizhdiki chigrisiz muxbirlar teshkilati düshenbe küni élan qilghan doklatida, xitayni " muxbirlarning türmisi," dep eyiplidi. Chégrisiz muxbirlar teshkilatining eskertishiche, dunya boyiche 2004 - yili qolgha élin'ghan 107 muxbirning 27 nepiri xitaydiken. Mezkur teshkilat, xitay dölet re'isi xu jintawni axbarat " mushtumzori" dep élan qildi.

Buning aldida amérika tashqi ishlar ministirliqining emeldari suzan solowén, axbarat erkinlikining Uyghur aptonom rayonida éghir zerbige uchrawatqanliqini eskertip, " qeshqerliq abdugheni memtimin sherqiy türkistan uchur merkizige xewer yollighanliqi üchün qolgha élindi, dep tekitligen. U bu sözni meshhur kishilik hoquq pa'aliyetchisi rabiye qadir üchün 27 - aprilda ötküzülgen dölet mejlisidiki ispat bérish yighinida qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.