Тәйвән президенти, бу қетимқи латин америка сәпиридә, америка һөкүмитиниң униңға тутқан позитсийисигә наразилиқ билдүрди


2007.08.22
Share on WhatsApp
Share on WhatsApp

Тәйвән президенти чен шүйбийән, латин америкиға қаратқан сәпиридә, америка һөкүмитиниң, униң америкиниң чоң шәһәрлириниң биридә тохтап өтүш тәлипини рәт қилиғанлиқиға наразилиқ билдүрди.

Америка һөкүмити, тәйвән президенти чен шүйбйәнниң, америкиниң сиясий вә иқтисадий мәркәзлиридин узақ болған, алияска штатида тохтап өтүшигә рухсәт қилған иди. У, сәйшәнбә күни латин америка дөлити болған һондурасқа қаратқан сәпиридә, америкиниң алияска штатиниң әнкориҗ шәһридә икки саәт тохтап өткән.

Чен шүйбийән аляскида тохташ җәрянида бәргән баянатида, америка һөкүмитиниң, униң америкиниң чоң шәһәрлириниң биридә тохтап өтүшигә рухсәт бәрмигәнликидин нарази икәнликини тәкитләп, " әгәр америка һөкүмити бу һәрикити арқилиқ мени җазалашни мәқсәт қилған болса, мени вә мениң сиясәтлиримни җазалашниң тәйвән хәлқини җазалаш дегәнлик икәнликини билиши керәк" деди.

Хәвәрләргә қариғанда, тәйвән президенти чен шүйбйәнниң, тәйвәнниң қайтидин б д т ға әза болуши үчүн елип бериватқан паалийити вашингтонни биарам қиливатқан болуп, америка һөкүмити чен шүйбйәнниң бу паалийәтлириниң тәйвән боғузидики вәзийәтни техиму кәскинләштүрүшидин әндишә қилидикән.

Лекин чен шүйбийән, америка һөкүмитиниң қарши турушиға қаримай, тәйвәнниң, тәйвән исми билән б д т ға әза болуш һәрикитини давамлаштуриватқан болуп, бу қетим латин америкиға қаратқан зияритиниң асаслиқ мәқситиму, бу мәсилидә латин америка дөләтлириниң қоллишиға еришиш икән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.