Teywen prézidénti, bu qétimqi latin amérika sepiride, amérika hökümitining uninggha tutqan pozitsiyisige naraziliq bildürdi

Teywen prézidénti chén shüybiyen, latin amérikigha qaratqan sepiride, amérika hökümitining, uning amérikining chong sheherlirining biride toxtap ötüsh telipini ret qilighanliqigha naraziliq bildürdi.

Amérika hökümiti, teywen prézidénti chén shüybyenning, amérikining siyasiy we iqtisadiy merkezliridin uzaq bolghan, aliyaska shtatida toxtap ötüshige ruxset qilghan idi. U, seyshenbe küni latin amérika döliti bolghan hondurasqa qaratqan sepiride, amérikining aliyaska shtatining enkorij shehride ikki sa'et toxtap ötken.

Chén shüybiyen alyaskida toxtash jeryanida bergen bayanatida, amérika hökümitining, uning amérikining chong sheherlirining biride toxtap ötüshige ruxset bermigenlikidin narazi ikenlikini tekitlep, " eger amérika hökümiti bu herikiti arqiliq méni jazalashni meqset qilghan bolsa, méni we méning siyasetlirimni jazalashning teywen xelqini jazalash dégenlik ikenlikini bilishi kérek" dédi.

Xewerlerge qarighanda, teywen prézidénti chén shüybyenning, teywenning qaytidin b d t gha eza bolushi üchün élip bériwatqan pa'aliyiti washin'gtonni bi'aram qiliwatqan bolup, amérika hökümiti chén shüybyenning bu pa'aliyetlirining teywen boghuzidiki weziyetni téximu keskinleshtürüshidin endishe qilidiken.

Lékin chén shüybiyen, amérika hökümitining qarshi turushigha qarimay, teywenning, teywen ismi bilen b d t gha eza bolush herikitini dawamlashturiwatqan bolup, bu qétim latin amérikigha qaratqan ziyaritining asasliq meqsitimu, bu mesilide latin amérika döletlirining qollishigha érishish iken. (Qanat)