Teywen prézidéntining latin amérika ziyariti dawamlashmaqta


2007.08.25
Share on WhatsApp
Share on WhatsApp

Latin amérika döletlirige qaratqan ziyaritini dawamlashturiwatqan, teywen prézidénti chin shüybiyen, jüme küni hondurastin, elsalwador gha keldi.

Merkizi xewer agéntliqining bildürüshiche, chin shöbiyen sanlsalwador ayiridurumida, elsalwadr prézidénti, mu'awin prézidénti, parlamént re'isi we aliy sot re'isi qatarliq rehberler teripidin qizghin qarshi élin'ghan.

Elsalwador prézidénti antoniyu saxa, chin shüybiyenni qarshi élish murasimida bergen bayanatida, teywenning iqtsadiy we ijtima'iy tereqqiyat yolida qolgha keltürgen ghelibilirini maxtap, teywen xelqining xelq'ara jem'iyettiki mewjudiyitini qoghdash üchün élip bériwatqan körishini qollap-quwetleydighanliqini tekitligen. U shundaqla, teywen bilen diplomatiye munasiwetlirini dawamlashturudighanliqini hemde teywenning b d t gha eza bolush teshebbusini qollaydighanliqini bildürgen.

Teywen prézidénti chin shüybiyen bayanatida, elsalwadorni teywenning eng yéqin dosti dep körsitip, teywenni herjehettin üzlüksiz qollap kéliwatqan elsalwador prézidénti we elsalwador hökümitige rexmet éytti. Chin shüybiyen, elsalwador prézidéntining kéler ay b d t ning nyuyork shehiride ötküzülidighan yilliq umumiy yéghinigha qatniship, teywenning b d t gha eza bolush herikitini qollap, söz qilidighanliqi heqqide wede bergenlikini bildürdi.

Bu arida xewerlerge qarighanda, teywendiki pütün hökümet idariliri, prézidént chin shüybiyenning teywenni b d t gha eza qilish herikitini qollap quwwetlesh üchün, 10‏-séntebir künigiche yeni b d t ning yilliq umumiy yighinighiche, pütün hökümet binalirining derwaza we tamlirigha "teywenning b d t gha eza bolushi, menggülük tinchliq" dégen shu'ar yézilghan lozunka we bayraqlarni ésishni qarar qilghan. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.