Тәйвән президенти спратили тақим араллирини зиярәт қилди


2008-02-02
Share

Тәйвән президенти чин шүйбийән, шәнбә күни талаш-тартиштики спратли тақим араллирини зиярәт қилип, бу араллар ичидики тәйпик арилида тәйвән армийиси тәрипидин ясалған айродурумни көздин көчүрди.

Хәвәрләргә қариғанда, чин шүйбийәнниң спратили тақим араллириға қаратқан бу қетимқи зиярити, мәзкур аралларниң игилик һоқуқини талишиватқан дөләтләрниң қаттиқ наразилиқини қозғиған. Хитай, филиппинләр, вйетнам, малайшия,вә бруней қатарлиқ дөләтләр, җәнубий җоңгу деңизиға җайлашқан вә мол нефит вә тәбий газ записиға игә болған спратли тақим араллириниң һәммиси вәяки бир қисиминиң игилик һоқуқиниң өзлиригә аит икәнликини, тәкитлимәктә.

Тәйвән президенти чин шүйбийәнниң спратили тақим араллириға қаратқан бу қетимқи зиярити, мәзкур араллар ниң игилик һоқуқи үстидә, райондики дөләтләр оттурисида мәвҗут ихтилап кәскинләшкән бир мәзгилгә тоғра кәлди.

Спратили тақим араллириниң игилик һоқуқ мәсилиси түпәйлидин хитай билән вйетнам оттурисида 1988‏- вә 1992‏- йиллири икки қетим тоқунуш йүз бәргән. Сиясий мулаһизичиләр, чин шүйбийәнниң зиярити, райондики вәзийәтни техиму кәскинләштүриду, дейишмәктә.

Филиппиләрниң ташқи ишлар министири, албәрто ромуло, шәнбә күни баянат елан қилип, чин шуйбийәнниң зияритиниң җиддий әндишә яратқанлиқини билдүрди. У, "спратили араллири үстидики ихтилаплар тинчлиқ вә дипломатийә йоли арқилиқ бир тәрәп қилиниши керәк" дәп көрсәтти.

Тәйвән мәтбуати болса, чин шүйбийәнниң спратили тақим араллириға қаратқан зияритиниң, 22‏ - март күни тәйвәндә елип берилидиған президент сайлимида, тәйвән демократийә вә тәрәққият партийисиниң президент намзати, франк шениң орнини күчәйтишни мәқсәт қилғанлиқини, билдүрмәктә. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт