Чен шуйбйән, бейҗиң даирилири билән сөһбәт өткүзүшни тәшәббус қилди


2005.05.01
Share on WhatsApp
Share on WhatsApp

Тәйвән президенти чен шуйбйән, 1 - май күни хитай коммунист партийиси рәһбәрлири билән сөһбәт өткүзүшни тәшәббус қилидиғанлиқи һәққидә баянат елан қилди.

Тәйвәндики өктичи партийә гоминдаң рәиси лйән җән, хитай дөләт рәиси ху җинтав билән учришип сөһбәт өткүзиватқан бир пәйттә, чен шуйбйән юқириқи ипадисини билдүрүп: " хитай чоң қуруқлиқи тәйвәндики қайси партийә яки қайси киши билән сөһбәт өткүзүшидин қәтийнәзәр, әң ахирида йәнила тәйвән хәлқи тәрипидин рәсмий йосунда сайлинип чиққан дөләт рәһбәрлири вә һазирқи тәйвән һөкүмити билән сөһбәтлишишкә мәҗбур болиду" дәп көрсәтти.

Әнгилийә б б с радио - телевизийә ширкитиниң хәвиридә көрситилишичә, чен шуйбйән бу сөләрни җәнубий тенч окяндики үч дөләткә қаратқан ташқи дипломатийә зиярити давамида ейтқан болуп, у мухбирларға " тәйвәндики партийиләр, пәқәт тәйвәнниң дөләт мәнпәәтини үстүн орунға, хәлқниң мәнпәәтини биринчи орунға қоюш принсипида чиң турғанда, андин тәйвән һөкүмитиниң сияситигә вәкиллик қилалайду" деди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.