Тәйвән презденти хитай билән сөһбәт өткүзүшкә тәйярлиқини билдүрди

Франсийә ахбарат агентлиқи, чен шүйбйәнниң тинч окяндики маршал тақим араллирида елип бериватқан зиярити, гоминдаң рәиси лйән җәнниң чоң қуруқлуқтики йеқинқи сәпириниң көләңгүси астида қалғанлиқини илгири сүрди.

Чен шүйбйән, маршал тақим араллириниң парламентида, " сөһбәт вә музакирә боғазниң қарши қирғиқиға давамлиқ очуқ," дәп көрсәтти. Әмма у, сөһбәтниң демократийә, тинчлиқ вә баравәрлик принсипи асасида елип берилишини тәләп қилған. Гоминдаң рәиси лйән җән, шаңхәйдики баянатида "тинчлиқ, йәткили болмайдиған нәрсә әмәс," дәп тәкитлигән иди.

Чен шүйбйән, тәйвән боғузидики тиркишишни пәсәйтиш механизмини қурушни оттуриға қойди. Лйән җәнниң тәкитлишичә, хитай рәһбәрлири тәйвән боғузида тинчлиқ келишими имзалаш тәклипигә иҗабий инкас қайтурған. Чен шүйбйән, тәйвән боғузини "дунядики уруш хәвпи әң юқири хәтәрлик район", дәп көрсәтти.

Хитай хәлқ қурултийи бу йил 3 - айда "дөләтни парчилашқа қарши туруш қануни" чиқирип, хитай қораллиқ қисимлириға тәйвәнни ишғал қилиш һоқуқи бәргәндин кейин, тәйвән боғузидики тиркишиш техиму җиддиләшкән. Чен шүйбйәнниң ашкарилишичә, у тәйвән хәлқпәрвәрләр партийисиниң рәиси соң чуйүдин бейҗиң даирилиригә сөз йоллиған. Соң чүйү алдимиздики пәйшәнбә күни хитайни зиярәт қилиду. (Әркин)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар