Teywen prézdénti xitay bilen söhbet ötküzüshke teyyarliqini bildürdi


2005.05.02
Share on WhatsApp
Share on WhatsApp

Fransiye axbarat agéntliqi, chén shüybyenning tinch okyandiki marshal taqim arallirida élip bériwatqan ziyariti, gomindang re'isi lyen jenning chong quruqluqtiki yéqinqi sepirining kölenggüsi astida qalghanliqini ilgiri sürdi.

Chén shüybyen, marshal taqim arallirining parlaméntida, " söhbet we muzakire boghazning qarshi qirghiqigha dawamliq ochuq," dep körsetti. Emma u, söhbetning démokratiye, tinchliq we barawerlik prinsipi asasida élip bérilishini telep qilghan. Gomindang re'isi lyen jen, shangxeydiki bayanatida "tinchliq, yetkili bolmaydighan nerse emes," dep tekitligen idi.

Chén shüybyen, teywen boghuzidiki tirkishishni peseytish méxanizmini qurushni otturigha qoydi. Lyen jenning tekitlishiche, xitay rehberliri teywen boghuzida tinchliq kélishimi imzalash teklipige ijabiy inkas qayturghan. Chén shüybyen, teywen boghuzini "dunyadiki urush xewpi eng yuqiri xeterlik rayon", dep körsetti.

Xitay xelq qurultiyi bu yil 3 - ayda "döletni parchilashqa qarshi turush qanuni" chiqirip, xitay qoralliq qisimlirigha teywenni ishghal qilish hoquqi bergendin kéyin, teywen boghuzidiki tirkishish téximu jiddileshken. Chén shüybyenning ashkarilishiche, u teywen xelqperwerler partiyisining re'isi song chuyüdin béyjing da'irilirige söz yollighan. Song chüyü aldimizdiki peyshenbe küni xitayni ziyaret qilidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.