Teywen prézidénti chin shüybyen, xitay sowét ittipaqigha oxshash gumran bolidu, dédi


2005-07-26
Share

Teywen prézidénti chin shüybyen seyshenbe küni teybide bergen bayanatida, gerche xitay hökümiti armiyisini tereqqi qildurush üchün nurghun pul serp qiliwatqan bolsimu, emma démokratik we qanun döliti bolmighanliqi üchün, yenila sowét ittipaqigha oxshash gumran bolush xewpi astida turiwatidu, dédi.

Téléfon arqiliq, tokyodiki chet'ellik muxbirlar kolubida ötküzülgen muxbirlarni kütüwilish yighinigha qatnashqan chin shüybyen, béyjing hökümiti xelqning diqqitini xitay ichidiki bölünüshlerdin bashqa terepke burash üchün teywenni ishghal qilshiqa urunushi mumkin, méningche, xitayda démokratiye we adaletning yoqliqi hemde ijtma'iy muqimsizliq axirida bu döletning gumran bolushigha yol achidu, dédi.

Teywen prézidénti, xitayning herbiy jehettin küchiyshining hem rayonning hemde dunyaning bixeterliki üchün tehdid ikenlikini tekitlep, xitay teripidin teywen etrapigha orunlashturulghan bashqurulidighan bombilarning, hindistan, rusiye, amérika we asiya tinch okyan rayonidiki awstraliye we yéngi zélandiye qatarliq döletlerni nishan'gha alalaydighanliqini bildürdi.

Chin shüybyen shundaqla, yéqinda amérika mudapi'e minstirliqi teripidin xitayning armiyisini küchlendürüsh üchün élip bériwatqan pa'aliyetliri heqqide élan qilin'ghan doklatqa yuqiri baha berdi hemde amérika we yaponiyining féwral éyida teywen heqqide élan qilghan birleshme bayanatini qarshi alidighanliqini bildürdi. Mezkur bayanatta, amérika we yaponiye tunji qétim teywen mesilisining ikki döletning ortaq istratégiyilik mesililirining biri ikenlikini tekitligen idi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet