Teywen prézidénti xitay "tehditi" toghrisida agahlandurdi


2006.01.03

Teywen prézidénti chén shüybyen teywenliklerge sözligen yéngi yil nutiqida, teywenliklerni xitay iqtisadining tereqqiyati we xitaydin kélidighan herbiy tehdit toghrisida agahlandurup, teywenning bixeterlikini kücheytishke ehmiyet béridighanliqini bildürdi. Shuning bilen birge u 2007- yili teywen yéngi asasi qanunining xelq awazigha qoyulidighanliqini bildürgen.

Béyjing da'iriliri teywen yéngi asasi qanuni musteqiliqqa élip baridighanliqini agahlandurup, eger zörür tépilsa teywen'ge qoralliq mudaxile qilidighanliqini bildürmekte.

Chén shüybyenning yéngi yil nutuqi béyjing da'irilirini ghezeplendürgen bolushi mumkin. Chén shüybyen teywen hökümitining xitaygha bash egmeydighanliqini eskertish bilen birge, ichki siyasitini tengshep, teywen arilining milliy kimlikini kücheytishke ehmiyet béridighanliqini tekitligen.

Chén shüybyenning eskertishiche, u asasi qanun islahati élip bérishni dawamliq ilgiri süridiken. Chén shüybyen, eger shert - shara'it piship yétilse, yéngi asasi qanun riférandomi 2007 - yili élip bérilishi mumkin, deydu. U, xitaydin kélidighan herbiy tehditning küchiyiwatqanliqini eskertip, 784 dane bashqurulidighan bombining teywen'ge nishanlap qoyulghanliqini tekitligen.

Chén shüybyen teywen parlaméntida köp sanliqni igileydighan öktichi partiye - guruhlarni hökümetning amérikidin qoral - yaraq sétiwélish pilanini tézrek testiqleshke chaqirdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.