Чен шүйбйән дөләт бирлики мәҗлисини бикар қилишта чиң турди


2006.02.22
Share on WhatsApp
Share on WhatsApp

Тәйвән президенти чен шүйбйән америка тәрәпниң нәсиһитигә көнмәстин, чаршәнбә дөләт бирлики мәҗлисини бикар қилишта чиң туридиғанлиқини тәкитлиди.

Тәйвән мәтбуатлирида хәвәр қилинишичә, чен шүйбйән чаршәнбә күни президент сарийида америка дөләт мәҗлиси әзаси роберт симмон билән көрүшкәндиму, дөләт бирлики мәҗлисини сақлап қелишниң әмди әһмийити йоқлиқини билдүргән. Тәйвән мәтбуатлири америка тәрәпниң роберт симмонни чен шүйбйәнни бу қараридин ваз кечишкә көндүрүш үчүн әвәткәнликини билдүрмәктә.

Чен шүйбйән сөзидә дөләт бирлики мәҗлиси вә дөләт бирлики принсипини бикар қилишта чиң туруп, буларниң тәйвән хәлқиниң өз кәлгүсини бәлгиләш һоқуқини чәкләп қойидиғанлиқини тәкитлиди. Хитай һөкүмити чаршәнбә күни буниңға дәрһал қарши чиқип, ченниң бу қарариниң икки тәрәп мунасивитигә еғир зиян салидиғанлиқини агаһландурди.

Чен шүйбйән бу нәзәрийини дәсләп өткән айда оттуриға қойған болуп, буни америкиму қарши алмиған һәмдә америка ташқи ишлар министирлиқиниң баянатчиси адам ирәли " биз һәр иккила тәрәпниң нөвәттики вәзийәтни өзгәртидиған бир тәрәплимә һәрикитигә қарши туримиз" деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.