Chén shüybyen dölet birliki mejlisini bikar qilishta ching turdi


2006.02.22

Teywen prézidénti chén shüybyen amérika terepning nesihitige könmestin, charshenbe dölet birliki mejlisini bikar qilishta ching turidighanliqini tekitlidi.

Teywen metbu'atlirida xewer qilinishiche, chén shüybyen charshenbe küni prézidént sariyida amérika dölet mejlisi ezasi robért simmon bilen körüshkendimu, dölet birliki mejlisini saqlap qélishning emdi ehmiyiti yoqliqini bildürgen. Teywen metbu'atliri amérika terepning robért simmonni chén shüybyenni bu qararidin waz kéchishke köndürüsh üchün ewetkenlikini bildürmekte.

Chén shüybyen sözide dölet birliki mejlisi we dölet birliki prinsipini bikar qilishta ching turup, bularning teywen xelqining öz kelgüsini belgilesh hoquqini cheklep qoyidighanliqini tekitlidi. Xitay hökümiti charshenbe küni buninggha derhal qarshi chiqip, chénning bu qararining ikki terep munasiwitige éghir ziyan salidighanliqini agahlandurdi.

Chén shüybyen bu nezeriyini deslep ötken ayda otturigha qoyghan bolup, buni amérikimu qarshi almighan hemde amérika tashqi ishlar ministirliqining bayanatchisi adam ireli " biz her ikkila terepning nöwettiki weziyetni özgertidighan bir tereplime herikitige qarshi turimiz" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.