Xitay, chén shüybyenning dölet birliki mejlisini bikar qilish qarishini küchlük eyiblidi


2006.02.26

Xitayning teywen ishlirigha mes'ul ikki chong ishxanisi yekshenbe küni bayanat élan qilip, teywen prézidénti chén shüybyenning dölet birliki mejlisini bikar qilish qarishini küchlük eyiblidi.

Xitayning dölet kabintining teywen ishliri ishxanisi we xitay kompartiye merkizi teywen xizmiti ishxanisi birlikte chiqarghan bu bayanatida, chén shüybyenning dölet birliki mejlisini bikar qilish herikitining, teywen boghuzining bixeterlikige ziyan salidighanliqini eskertti.

Bayanatta yene, " chén shüybyenning bu herikiti, asasiy qanunni özgertish arqiliq teywen musteqilliqini qanunlashturushqa urun'ghanliq" dep körsitilgen. Uningda yene, chén shüybyenning teywenning musteqilliqini qolgha keltürüsh yolidiki tirishchanliqining barghanséri éshiwatqanliqi hemde buning, teywen boghuzi jümlidin asiya tinch-okyan rayonining bixeterlikige tehdit bolidighanliqi tekitlen'gen.

Bu ikki organ bayanatida yene, chén shüybyenning bu herikitidin téz waz kéchishi kéreklikini tekitlep, xitayning hergizmu teywenning musteqilliqigha yol qoymaydighanliqini bildürdi. Xitayning bayanatigha qarita teywen memuriy mehkimisining xitay ishliri komitéti derhal inkas qayturup, esli xitay hökümiti özining teywen boghuzigha tehdit séliwatqanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.