Тәйвәндә өктичиләрниң пилани парламенттин өтмиди


2006.06.27
Share on WhatsApp
Share on WhatsApp

Тәйвәндики өктичи партийиләрниң чин шүйбйәнни президентлиқ вәзиписидин чүшүрүш тәшәббуси мәғлуб болди. Лекин сиясий мулаһизичиләрниң ейтишичә, бу һәрикәт президент чин шүйбйәнниң партийисигә еғир бир зәрбә һесаблинидикән.

Тәйвәндики өктичи партийиләр, тәйвән парламентниң президент чин шүйбйәнни вәзиписидин чүшүрүшни мәқсәт қилған омуми хәлқ авазға қоюш һәққидә қарар лайиһиси қобул қилиши үчүн җиддий һәрикәт елип барған. Әмма америка бирләшмә агентлиқиниң хәвәр қилишичә, 221 тәйвән парламент әзасиниң аран 119 и қарар лайиһиси үчүн аваз бәргән. Мәзкур қарар лайиһисиниң парламентта қобул қилиниши үчүн 148 аваз керәк икән.

Президент чин шүйбйәнни вәзиписидин чүшүрүш мәсилиси өткән ай униң көюғли тиҗарәттә сахтипәзлик қилған дегән гуман билән қолған елинғандин кейин оттуриға қоюлди. Узун өтмәй чин шүйбйәнниң аялиму қанунсиз тиҗари паалийәтләргә арилашқан дәп әйибләнди.

Чин шүйбйәнниң бу қанунсиз ишлар билән бивастә мунасивити йоқ, әмма, тәйвәндики өктичи партийиләр, чин шүйбйәнниң бу мәсилиләр түпәйлидин хәлқ алдидики етибарини йоқатқанлиқини, шуниң үчүн президент вәзиписидин истипа бериши керәкликини баян қилмақта. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.