Teywende öktichilerning pilani parlaménttin ötmidi


2006.06.27

Teywendiki öktichi partiyilerning chin shüybyenni prézidéntliq wezipisidin chüshürüsh teshebbusi meghlub boldi. Lékin siyasiy mulahizichilerning éytishiche, bu heriket prézidént chin shüybyenning partiyisige éghir bir zerbe hésablinidiken.

Teywendiki öktichi partiyiler, teywen parlaméntning prézidént chin shüybyenni wezipisidin chüshürüshni meqset qilghan omumi xelq awazgha qoyush heqqide qarar layihisi qobul qilishi üchün jiddiy heriket élip barghan. Emma amérika birleshme agéntliqining xewer qilishiche, 221 teywen parlamént ezasining aran 119 i qarar layihisi üchün awaz bergen. Mezkur qarar layihisining parlaméntta qobul qilinishi üchün 148 awaz kérek iken.

Prézidént chin shüybyenni wezipisidin chüshürüsh mesilisi ötken ay uning köyughli tijarette saxtipezlik qilghan dégen guman bilen qolghan élin'ghandin kéyin otturigha qoyuldi. Uzun ötmey chin shüybyenning ayalimu qanunsiz tijari pa'aliyetlerge arilashqan dep eyiblendi.

Chin shüybyenning bu qanunsiz ishlar bilen biwaste munasiwiti yoq, emma, teywendiki öktichi partiyiler, chin shüybyenning bu mesililer tüpeylidin xelq aldidiki étibarini yoqatqanliqini, shuning üchün prézidént wezipisidin istipa bérishi kéreklikini bayan qilmaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.