Чин шүйбйән тәйвән, хитай тәһдитигә тақабил туруш үчүн һәрбий күчини көпәйтиши керәк, деди


2006.10.30

Тәйвән президенти чин шүйбйән дүшәнбә күни тәйвән хитайға қарши өзини қоғдаш үчүн һәрбий күчини көпәйтиши керәк, деди. Хәвәрләргә қариғанда, йеқинда тәйвән парламинти узундин бери муназирә қилиниватқан америка билән имзаланған қорал келишими тоғрисида қарар беридикән.

Өткән һәптә америкиниң тәйвәндики алий вәкили тәйвән парламент әзалирини тәйвән билән америка оттурисида имзаланған 16 милярд долларлиқ қорал содиси келишимини бу йилиниң ахириғичә мақуллашқа чақирған иди. Бу келишимгә асасән америка тәйвәнгә вәтән пәрвәр намлиқ башқурулидиған бомба вә су асити парахоти қатарлиқ қоралларни ситип беришни қобул қилған.

Сәйшәнбә күни тәйвән парламенти икки йилдин бери тәйвән парламентниң мунасивәтлик комитетида күтүп ятқан бу келишимни қобул қилиш яки қилмаслиқ тоғрисида қарар бериду.

Чин шүйбйән, телевизор арқилиқ токйодики бир гуруппа японийилик сиясийонлар вә алимларға бәргән баянатида, "һәрқандақ мустәқил бир дөләтниң өзини қоғдаш үчүн қорал күчигә еһтияҗи бар. Өткән йили америка мудапиә министирлиқи тәрипидин елан қилинған доклатта, тәйвән билән хитай оттурисидики һәрбий күч тәңпуңлуқиниң тунҗи қетим хитайниң пайдисиға өзгәргәнлики оттуриға қоюлди, деди." У хитайниң тәйвән әтрапиға 800 гә йеқин башқурулидиған бомба орунлаштурулғанлиқини тәкитләп, шуңа тәйвән хитайниң һәрбий һуҗумиға тақабил туруш тәйяр болуши керәк, дегән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.