Chin shüybyen teywen, xitay tehditige taqabil turush üchün herbiy küchini köpeytishi kérek, dédi


2006.10.30

Teywen prézidénti chin shüybyen düshenbe küni teywen xitaygha qarshi özini qoghdash üchün herbiy küchini köpeytishi kérek, dédi. Xewerlerge qarighanda, yéqinda teywen parlaminti uzundin béri munazire qiliniwatqan amérika bilen imzalan'ghan qoral kélishimi toghrisida qarar béridiken.

Ötken hepte amérikining teywendiki aliy wekili teywen parlamént ezalirini teywen bilen amérika otturisida imzalan'ghan 16 milyard dollarliq qoral sodisi kélishimini bu yilining axirighiche maqullashqa chaqirghan idi. Bu kélishimge asasen amérika teywen'ge weten perwer namliq bashqurulidighan bomba we su asiti paraxoti qatarliq qorallarni sitip bérishni qobul qilghan.

Seyshenbe küni teywen parlaménti ikki yildin béri teywen parlaméntning munasiwetlik komitétida kütüp yatqan bu kélishimni qobul qilish yaki qilmasliq toghrisida qarar béridu.

Chin shüybyen, téléwizor arqiliq tokyodiki bir guruppa yaponiyilik siyasiyonlar we alimlargha bergen bayanatida, "herqandaq musteqil bir döletning özini qoghdash üchün qoral küchige éhtiyaji bar. Ötken yili amérika mudapi'e ministirliqi teripidin élan qilin'ghan doklatta, teywen bilen xitay otturisidiki herbiy küch tengpungluqining tunji qétim xitayning paydisigha özgergenliki otturigha qoyuldi, dédi." U xitayning teywen etrapigha 800 ge yéqin bashqurulidighan bomba orunlashturulghanliqini tekitlep, shunga teywen xitayning herbiy hujumigha taqabil turush teyyar bolushi kérek, dégen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.