Xitay hökümiti chin shüybyenning amérikida toxtap ötidighanliqigha qattiq naraziliq bildürdi

Xitay hökümiti düshenbe küni teywen prézidénti chin shüybyenning nikaragu'agha qilidighan sepiride amérikida toxtap ötidighanliqigha qattiq naraziliq bildürdi.

Xitay tashqi ishlar ministirliqi teripidin bu munasiwet bilen élan qilin'ghan bir bayanatda, xitay hökümitining amérika bilen teywen hökümet da'iriliri otturisidiki herqandaq alaqe we munasiwetke qat'iy qarshi turidighanliqi we bundaq bir heriketning xitay amérika munasiwetlirini buzidighanliqi bildürülgen. Bayanatda shundaqla chin shüybyenning amérika toxtap ötüshtiki asasliq meqsiti junggoni parchilash shuning üchün amérika chin shüybyenning herqandaq bir isim we ünwan bilen amérikigha bérishigha ruxset qilmasliqi we teywen'ge xata signal bermesliki kérek, déyilgen.

Chin shüybyenning bayanatchisining bildürüshiche, charshenbe küni nikaragu'aning yéngi saylan'ghan prézidénti daniyal ortiganing wezipe tapshuruwilish murasimigha qatnishish üchün yolgha chiqqan teywen prézidénti amérikining san fransisko shehiride 17 sa'et turidiken.

Amérika hökümiti ötken yili teywen prézidénti latin amérikigha qilidighan sepiride amérikining nyuyork yaki san fransisko sheherliride toxtap ötüsh telipini ret qilip, uning ornigha siyasiy jehettin ehmiyetsiz hésablan'ghan alysakada toxtap ötüshini teklip qilghan.

Chin shüybyenning san fransiskoda turush jeryanida nime qilidighanliqi kimler bilen körüshidighanliqi éniq emes. (Qanat)