Awstraliye, siyasiy panahliq tiligen sabiq xitay diplomatini mejburiy qayturmaydighanliqini bildürdi


2005.06.09

Awstraliye bash ministiri jon xoward, awistraliyining xitay bilen bolghan soda hemkarliqining hergizmu siyasiy panahliq tiligen sabiq xitay diplomati chin yunglinning dilosigha tesir körsetmeydighanliqini bildürdi.

Jon xoward peyshenbe küni séydniyda qilghan sözide "awstraliye soda bilen siyasetni arilashturmaydu" dégen. Xitay awistraliyining 3 - chong soda shériki bolup, ikki dölet nöwette erkin soda kélishimi tüzüsh mesilisini muzakire qiliwatqan idi.

Melumatlargha qarighanda, xitayning séydniyda turushluq konsolxanisining siyasiy ishlargha mes'ol konsoli chin yunglin ötken ayda xizmitidin ayrilip, awistraliye hökümitidin panahliq tiligen. U xétide, béyjingning siyasiy öktichilerni basturushigha chidap turalmighanliqini bildürüp, ölüshke raziki, xitaygha qaytishni xalimaydighanliqini ipadiligen. U yene xitayning awistraliyide mingdek kishidin terkib tapqan ishpiyonluq tori barliqini ashkarilighan idi.

Awstraliye köchmenler idarisi deslepte uning siyasiy panahliq iltimasini ret qilghan. Emma awstraliye bash ministiri xowardning yéqini bolghan sehiye ministiri toniy abbot peyshenbe küni, chin yunglinni xitaygha mejburiy qayturmaydighanliqini bildürdi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.