Sabiq xitay diplomati: xitaydiki siyasiy weziyet muqim emes


2005.10.25

Xitaydin yüz örigen sabiq diplomat chén yunglin, xitaydiki siyasiy weziyet muqim bolmighanliqtin, gherb shirketlirining xitaygha meblegh sélishi bir xata qarar dep bildürdi.

Chén yunglin esli xitay tashqi ishlar ministirliqining awistraliye séydniydiki elchixanisining diplomati idi. U kiyin xitaydin yüz örüp, awistraliyidin siyasiy panahliq tiligen hemde awistiraliyining besh yilliq uzartqili bolidighan wézisigha érishken.

U düshenbe küni pariˆda nutuq sözlep, fransiye shirketlirini xitaygha meblegh salmasliqqa ündigen. Chünki uning bildürüshiche, xitaydiki siyasiy weziyet muqim emes bolup, xu jintaw we jyang zéminning arisidiki ixtilap, hökümetni gümran qilishi mumkin.

Chén yunglinning yene bildürüshiche, gherb döletliridiki tijaretchiler xitayni tereqqi qiliwatidu dep qarighan bilen, xitayning yüzeki güllinishining arqisida éghir xewp bar iken.

Chén yunglinning sözige qarita, xitay tashqi ishlar ministirliqining bayanatchisi kung chü'en inkas qayturup, dölitidin yüz örigen kishining gépi ishenchlik emes dep bildürdi.

Melumatlargha qarighanda, chén yunglin ilgiri xitayning awstraliyide nechche minglighan ishpiyonliri barliqini ashkarilighan. Biraq xitay da'iriliri bunimu sepsete dep inkar qilghan idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.