Хитай компартийиси чирикликкә қарши қарар мақуллиди

Һакимийәттики хитай компартийиси дүшәнбә күни алаһидә һөҗҗәт чиқирип, парихорлуқ вә қабилийәтсизликниң хитай компартийисиниң һакимийитигә тәһдид елип келиши момкинлигини билдүрди.

Чәтәл ахбарат агентлиқлириниң хәвәрлиригә қариғанда, 36 бәтлик мәзкүр һөҗҗәттә, "хитай компартийисиниң һакимийәт йүргүзүш иқтидарини яхшилаш- яхшилиялмаслиқ мәсилиси , униң һаят- маматлиқиға мунасивәтлик муһим мәсилә" дәп көрситилгән. Хитай компартийиси һөҗҗәттә йәнә, парихор компартийә әзалирини қаттиқ тәнқид қилип, партийә әзалирини хәвп туйғуси шәкилләндүрүшкә үндигән.

Әнгилийә б б с радио - телевизийисиниң хәвиридә ейтилишичә, мәзкүр һөҗҗәт, хитай компартийиси рәһбәрлириниң пуқраларниң чирикликкә қарши наразилиқ кәйпиятлириниң күчийишигә әгишип, компартийиниң хәлқниң һимайисидин айрилип қелишидин әндишә қиливатқанлиқини намайән қилиду.

Гәрчә һөҗҗәттә парихорлуқ қаттиқ тәнқид қилинған болсиму, бирақ бу мәсилини қандақ бир тәрәп қилиш һәққидики конкрет тәдбирләр тилға елинмиған. (Арзу)