Хитайниң икки нәпәр банка әмәлдари нурғун пул билән чәтәлгә қачти

Хоңкоңда чиқидиған "нәнхуа сәһәр гезити" ниң хәвиридин ашкарилинишичә, хитайниң "җуңго банкиси" ниң икки нәпәр юқири дәриҗилик әмәлдари йеқинда, банкиниң 120 милйон америка доллирини елип, хитайдин қечип кәткән. Уларниң нәгә қечип кәткәнлики техи ениқ әмәс икән.

Хәвәрдә ейтилишичә, " җуңго банкиси" мәхсус тәкшүрүш өмикини дило садир болған харбен шәһиригә әвәткән. Хәвәргә қариғанда, бу сәтчилик 15 - январ күни байқалған. Әйни вақитта, шаңхәй пай чәк базиридики бир ширкәт, мәбләғ салғучиларниң " җуңго банкиси" харбин шәһәрлик шөбә банкисиға аманәткә қойған 300 милйон йүәнгә йеқин пулниң из- дерәксиз йоқалғанлиқини байқиған.

Мәлуматларға қариғанда, мәзкур шөбә банкиниң икки мәсул хадимиму, бирла вақитта ғайип болған. Нөвәттә көзәткүчиләр, бу икки кишиниң америка яки канадаға қечип кәткән болуши мумкинликини пәрәз қилмақта. (Арзу)