Xitayning ikki neper banka emeldari nurghun pul bilen chet'elge qachti


2005.01.24

Xongkongda chiqidighan "nenxu'a seher géziti" ning xewiridin ashkarilinishiche, xitayning "junggo bankisi" ning ikki neper yuqiri derijilik emeldari yéqinda, bankining 120 milyon amérika dollirini élip, xitaydin qéchip ketken. Ularning nege qéchip ketkenliki téxi éniq emes iken.

Xewerde éytilishiche, " junggo bankisi" mexsus tekshürüsh ömikini dilo sadir bolghan xarbén shehirige ewetken. Xewerge qarighanda, bu setchilik 15 - yanwar küni bayqalghan. Eyni waqitta, shangxey pay chek baziridiki bir shirket, meblegh salghuchilarning " junggo bankisi" xarbin sheherlik shöbe bankisigha amanetke qoyghan 300 milyon yü'en'ge yéqin pulning iz- déreksiz yoqalghanliqini bayqighan.

Melumatlargha qarighanda, mezkur shöbe bankining ikki mes'ul xadimimu, birla waqitta ghayip bolghan. Nöwette közetküchiler, bu ikki kishining amérika yaki kanadagha qéchip ketken bolushi mumkinlikini perez qilmaqta. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.