Хитайдики һөкүмәткә қарашлиқ орунларниң хиянәт қилған соммиси 10 милярд юәнгә йеқинлашқан


2005.06.29

Хитайниң дөләтлик мупәттиш идариси сәйшәнбә күни бир парчә доклат елан қилип, пүтүн хитай бойичә 2004 - йили һәр хил шәкилдә йүз бәргән бәлгилимиләргә хилаплиқ қилиш мәсилилиридики иқтисадий хиянәтниң 10 милярд юәнгә йәткәнликини ашкарилиди.

Хитай мупәттиш идариси бу доклатни сәйшәнбә күни хитайниң 10 - нөвәтлик мәмликәтлик хәлқ қурултийи даимий комитетиниң 16 - қетимлиқ йиғинида елан қилған. Униңда һөкүмәт органлирида хиянәтчилик қилинған пул сани 9 милярд 6 йүз милйон юән болуп, буниң арисида дөләт игилигидики карханиларда 1 милярд 450 милйон юән пулниң қақти-соқти қилинғанлиқи көрситилгән.

Хитай мупәттиш идариси доклатида йәнә, өткән йили пүтүн хитай бойичә һөкүмәт орунлиридики хиянәтчилик қилиш делолиридин 222 си байқилип, буниңға четилған 762 нәпәр һөкүмәт хадиминиң охшимиған дәриҗидә бир тәрәп қилинғанлиқи елан қилинған.

Доклатқа асасланғанда, хиянәтчилик қилиш әһвали хитай һөкүмитиниң һәр қайси қатламлирида вә һәр хил шәкилдә көрүливатқан болуп, бу һәтта мәркәз органлиридин тартип, таки дохтурхана вә су иншаати қурулушииғичә болған саһәләрдә байқалған. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.