"Чириклик" хитай компартийисиниң қанунлуқ һакимийитигә тәһдит болмақта


2005.10.02

Хәлқаралиқ тәшкилат болған "иқтисадий һәмкарлиқ вә тәрәққият тәшкилати" йеқинда бир парчә доклат елан қилип, хитайниң иқтисадий ислаһати мәзгилидә пәйда болған чирикликниң, хитай компартийисиниң қанунлуқ һакимийитигә тәһдит боливатқанлиқини көрсәтти.

Мәзкур доклатта мәлум болушичә йәнә, хитайда чириклик кәлтүрүп чиқарған зиян, дөләт ичи ишләпчиқириш омумий миқдариниң аз дегәндә 5٪ ини игиләйдиған болуп, униң омумий соммиси тәхминән 84 милярд америка доллириға йетидикән.

Хитай һөкүмити илгири чиқарған бир парчә тәкшүрүш доклатида, 1993 - йилидин 1997 - йилиғичә болған мәзгилдә, хитайда һөкүмәт әмәлдарлири арисидики чириклик делосиниң 387 миң 300 қетим йүз бәргәнлики мәлум қилинған.

Франсийидики бу "иқтисадий һәмкарлиқ вә тәрәққият тәшкилати" чиқарған доклатта мәлум болушичә йәнә, 2003 - йилиниң дәсләпки йеримидила 8 миңдин көп хитай әмәлдарлири америкиға қечип келивалған. Шундақла уларниң 2/3 қисми дөләт игилигидики карханиларниң алий дәриҗилик әмәлдарлири болуп, уларниң хитайдин қанунсиз һалда елип қачқан пули 50 милярд америка доллириға йетидикән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.