Xitayda 11 ayda 290 milyard som qanunsiz ishlitilgen


2005.12.26
Share on WhatsApp
Share on WhatsApp

Xitay dölet maliyini nazaret qilish we bashqurush komitéti, 22000 hökümet xadimi üstidin élip barghan xizmet tekshürüshi netjiside,xitay hökümet idarilirining ötken 11 ay mabeynide 290 milyard somni qanunsiz ishletkenlikini bayqighan.

Fransiye agéntliqining xewer qilishiche, xitay dölet maliyini nazaret qilish we tekshürüsh komitéti, qanunsiz ishlitilgen pullarning qandaq xejlen'genliki heqqide tepsili melumat bermigen, emma komitét bundin burunqi tekshürüshliride, hökümet xadimlirining, ammining pulini kadirlargha öy sélish we özliri menpe'etlinish üchün ishletkenlikini ashkarilighan idi. Xewerde éytilishiche, 196 hökümet xadimi intizam jazasi'igha uchrighan weyaki sotqa tartilghan.

Xitay hökümiti yéqinqi yillardin buyan , künsiri köpiyiwatqan dölet ichidiki chériklikning aldini élish heqqide hökümet idarilirida yilliq tekshürüsh élip barmaqta. Dölettiki chériklik, xitayda uzun yillardin béri dawamlishiwatqan we iqtisi'adi islahat herikiti bilen birlikte kücheygen bir késellik bolup, yéqinda iqtisadi hemkarliq we tereqqiyat teshkilati chiriklikning xitay kommonist hökümitining énawitige qattiq zerbe bérip, bu hökümetning qanunluq bir hakimyet ikenliki yaki emesliki toghrisida su'al peyda qiliwatqanliqini bildürdi.

2004 ‏-Yili xitay dölet maliyini nazaret qilish we bashqurush idarisi teripidin élip bérilghan tekshürüshte, xitay merkizi hökümet organlirining 9 milyard 60 milyon somni orunsiz xejligenliki 5 ,14 milyard somning dölet igiligidiki chong shirketler teripidin qanunsiz ishlitilgenliki otturigha chiqqan. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.