8 Neper xitay kompartiye emeldarliri emel satqanliqi sewebidin jazalandi

Yéqinda 8 neper xitay kompartiye emeldari özlirining hoquqidin paydilinip, emel satqanliqi üchün jazalan'ghan. Bu xitay hökümitining xiyanetchilik we chiriklikke qarshi turush herikitining bir qismi hésablinidu.

Shinxu'a agéntliqining xewer qilishiche, bularning hemmisi xizmitidin heydilip, beziliri hetta türmige tashlan'ghan. Bularning arisidiki sichüen ölkisidiki saw yongbaw isimlik bir partiye emeldari, xizmetdishining uning emilini östürüsh bedlige 1 yérim milyon yüen para alghanliqi üchün 13 yilliq qamaq jazasigha tartilghan.

Shenshidiki yene bir emeldar texminen 1 milyon yüendin oshuq para élip, özining hoquqidin paydilinip, 28xadimning emilini östürüp bergen. Gu'angdongluq lu chéngli bolsa, yerlik emeldarlargha para bérip özige awaz tashlatquzup, nahiye bashliqliqigha teyinlen'gen. Shinxu'a ulargha bérilgen konkért jazalar toghrisida tepsiliy melumat bermidi.

Yéqinqi yillardin buyan xitayda nechche minglighan kompartiye emeldarliri xiyanetchilik bilen jazalan'ghan bolup, éghirliri hetta étip tashlan'ghan. Nöwette partiye ichidiki xiyanetchilik we chiriklik, xelq ammisining naraziliqini qozghawatqan haliqiliq mesilige aylinip qaldi. (Peride)