Xitayda üch yil ichide 67 mingdin artuq emeldar jazalan'ghan

Xitay aliy sot teptish mehkimisi teripidin bérilgen sanliq melumatta körsitilishiche2003 ‏- yili 1 ‏- aydin bashlap 2006 ‏- yili 8 - aygha qeder, xitayda parixorluq we chiriklik mesilisi tüpeylidin pash qilin'ghan yuqiri derijilik emeldarlarning sani 67 mingdin ashqan. Hemde bu yilning özidila 17 mingdin artuq hökümet emeldarliri aliy sot teptish mehkimisi teripidin bir terep qilin'ghan.

En'giliye b b s radi'o ‏- téléwiziye shérkiti xewerler tor bétide bérilgen melumatta körsitilishiche, hazir xitaydiki herqaysi sot teptish mehkimiside mexsus chiriklik we parixorluqqa qarshi turush organliri qurulghan hemde mezkur organlarda ishleydighan xadimlarning sani 36 mingdin ashqan.

Xitay kompartiye bash sékritari xujintaw 22 ‏- öktebir küni , xitaydiki parixorluq we chiriklik mesilisi heqqide élip bériliwatqan bir yürüsh heriketler heqqide alahide toxtalghan bolup, xitay hökümitining bu jehette xelq'ara bilen bolghan hemkarliqni kücheytip, chiriklikning aldini élishta, ünümlük chare - tedbirlerni qollinidighanliqini bildürgen.

Munasiwetlik melumatlargha qarighanda, hazir chiriklikke qarshi turush herikitide, xitay hökümitining béshini qaturiwatqan eng chong mesile parixor emeldarlarning hökümetning pulini élip chet'ellerge qéchip kétish mesilisi iken. 2004 ‏- Yilidiki bir ichki matériyalda éytilishiche, hökümetning pulini élip chet ellerge qéchip chiqqan hökümet emeldarlirining sani 4000 din ashqan bolup,élip qachqan pulning sani 50 milyardtin ashqan. (Méhriban)