Хитайда 100 миң компартийә әзаси чириклик мәсилиси түпәйлидин җазаланди

2007-02-13
Елхәт
Пикир
Share
Принт

Америка бирләшмә агентлиқиниң сәйшәнбә күни бәргән хәвиридин мәлум болушичә, хитай мәркизи интизам комитетиниң муавин секретари хитайдики 100 миңға йеқин компартийә әзалириниң чириклик мәсилиси түпәйлидин җазаланғанлиқини ашкарилиған.

Хәвәрдә ейтилишичә, хитай мәркизи интизам комитетиниң муавин секретари гән йишин бу қетим җазаға учриған 100 миңға йеқин компартийә әзалири арисида, өз вәзиписини иҗра қилмиған әмәлдарлар 80% ни игилигән болуп, улар асасән парихорлуқ вә чириклик делолириға четилған.

Гән йишинниң билдүрүшичә, һазирниң өзидә 3500 нәпәр партийә әзаси әдлийә органлириға тапшуруп берилгән һәмдә буларниң арисида, 7 нәпәр киши өлкә дәриҗилик алий әмәлдар икән.

Йеқинқи бир нәччә айдин буян, хитайда шаңхәй шәһириниң сабиқ компартийә секритари чен ляңйүгә охшаш бир нәччә нәпәр юқири дәриҗилик һөкүмәт әмәлдарлири арқа ‏-арқидин хизмәттин елип ташланди.

Анализчиларниң билдүрүшичә, хитай һөкүмити һазир чириклик әмәлдарларни бир тәрәп қилишта, гәрчә түрлүк чарә -тәдбирләрни қоллиниватқан болсиму, йәнила үнүмлүк нәтиҗигә еришәлмигән. (Меһрибан)

Пикирләр (0)
Share
Толуқ бәт