Sin'gapor xitayda ishlen'gen chish pastilirining sétilishini cheklidi

Tonglitishning aldini aldighan ximiyilik maddilar xitaydin import qilin'ghan üch xil chish pastisidin bayqalghandin kéyin, sin'gapor sehiye tarmaqliri bu üch xil chish pastisining sin'gaporda sétilishini cheklidi.

Sin'gapor sehiye ministirliqining bildürüshiche, ular latin amérikisi we amérika qoshma shitatliri ximiyilik maddilardin bulghan'ghan chish pastisi heqqide agahlandurush élan qilghandin kéyin, xitaydin kirgüzülgen hemme chish pastiliridiki ximiyilik zeherlik madda -di'étilén glikolni tekshürüsh élip barghan.

Gerche, hazirghiche chish pastisidin zeherlen'gen ehwallar bayqalmighan bolsimu, lékin sin'gapor sehiye ministirliqi , xey mey, xey mey kaltisiy, maksimum qatarliq üch xil mehsulatni yighiwélish élani chiqarghan.

Aldinqi hepte amérika yémek-ichmek we dora- dermek bashqurush idarisi (FDA), gerche di'étilén glikol maddisi arilashqan chish pastisini uzaq mezgil ishletkende, mezkur ximiyilik madda balilarda börek we jiger késili peyda qilidighanliqini otturigha qoyghan idi.( Jüme)