Хитай, повелниң икки қирғақ сөһбитини әслигә кәлтүрүш чақириқини рәт қилди


2004.10.27
Share on WhatsApp
Share on WhatsApp

Хитай һөкүмити чаршәнбә күни америка ташқи ишлар министири колин повелниң икки қирғақ сөһбитини әслигә кәлтүрүш чақириқини рәт қилди.

Америка бирләшмә ахбарат агентлиқиниң хәвиригә қариғанда, хитай дөләт кабинти тәйвән ишлири ишханисиниң баянатчиси җаң миңчиң, бейҗиңниң тәйвән билән сөһбәтни әслигә кәлтүрүш асасини көрүп йетәлмәйдиғанлиқини, шундақла тәйвән презденти чен шүйбийән оттуриға қоюп келиватқан түрлүк лайиһиләрниң һечқандақ әһмийити йоқлиқини билдүрди.

Колин повел мушу һәптә хитай рәһбәрлири билән көрүшкәндә, хитай һөкүмитини тәйвән билән болған сөһбәтни қайта әслигә кәлтүрүшкә чақирған иди. Шундақла повелниң " тәйвән мустәқил дөләт әмәс" дегән сөзи тәйвәндә күчлүк инкас пәйда қилди. Һәмдә чаршәнбә күни нәччә онлиған тәйвәнлик америкиниң тәйвән боғузи ишлири җәмийити алдида намайиш өткүзди.

Тәйвән президенти чен шүйбийәнму повелниң бу сөзлиригә нарази болуп, тәйвәнгә зиярәткә кәлгән җәнубий корийәниң сабиқ президенти ким йоңсәмгә, " тәйвән муқәррәрки өз игилик һоқуқиға игә мустәқил дөләт, башқа дөләтләр бу һәқиқәткә тәсир көрситәлмәйду вә инкар қилалмайду" дәп билдүрди.

Америка һөкүмити " бир җуңго" пиринсипини етирап қилиду, әмма тәйвәнни қорал күчи билән бойсундурушқа қарши туриду. Шундақла америка тәйвәнгә қорал-ярақ сетип беридиған әң чоң дөләт һесаблиниду. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.