Xitay, powélning ikki qirghaq söhbitini eslige keltürüsh chaqiriqini ret qildi


2004-10-27
Share

Xitay hökümiti charshenbe küni amérika tashqi ishlar ministiri kolin powélning ikki qirghaq söhbitini eslige keltürüsh chaqiriqini ret qildi.

Amérika birleshme axbarat agéntliqining xewirige qarighanda, xitay dölet kabinti teywen ishliri ishxanisining bayanatchisi jang mingching, béyjingning teywen bilen söhbetni eslige keltürüsh asasini körüp yételmeydighanliqini, shundaqla teywen prézdénti chén shüybiyen otturigha qoyup kéliwatqan türlük layihilerning héchqandaq ehmiyiti yoqliqini bildürdi.

Kolin powél mushu hepte xitay rehberliri bilen körüshkende, xitay hökümitini teywen bilen bolghan söhbetni qayta eslige keltürüshke chaqirghan idi. Shundaqla powélning " teywen musteqil dölet emes" dégen sözi teywende küchlük inkas peyda qildi. Hemde charshenbe küni nechche onlighan teywenlik amérikining teywen boghuzi ishliri jem'iyiti aldida namayish ötküzdi.

Teywen prézidénti chén shüybiyenmu powélning bu sözlirige narazi bolup, teywen'ge ziyaretke kelgen jenubiy koriyening sabiq prézidénti kim yongsemge, " teywen muqerrerki öz igilik hoquqigha ige musteqil dölet, bashqa döletler bu heqiqetke tesir körsitelmeydu we inkar qilalmaydu" dep bildürdi.

Amérika hökümiti " bir junggo" pirinsipini étirap qilidu, emma teywenni qoral küchi bilen boysundurushqa qarshi turidu. Shundaqla amérika teywen'ge qoral-yaraq sétip béridighan eng chong dölet hésablinidu. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet