Xu jintaw: xiyanetchilik kompartiyining teqdirini belgileydu

Xitay kompartiyisi bash sékritari xu jintaw, düshenbe küni béyjingda bashlan'ghan kompartiye 17 ‏- qurultiyining échilish murasimida söz qilip, xiyanetchilik kompartiyining hayat -mamatliqigha munasiwetlik mesile, dep körsetti. Xu jintawning qurultaydiki doklati, iqtisadi tereqqiyat, xiyanetchilik, herbiy ishlar, teywen mesilisi we tashqi siyasetke munasiwetlik köp sahelerge chétilghan bolup, u doklatta özining "ilmiy tereqqiyat neziriyisi"ni otturigha qoydi.

Közetküchiler, bu xu jintawning maw zédung, déng shawping we jyang zéminlar qatarida öz neziriyisini otturigha qoyup, partiye ichide 4 ‏- ewlat rehberlik nopuzini tiklesh niyitini ipadileydu, dep qarimaqta. U,xiyanetchilik heqqide toxtilip, " xiyanetchilikni qet'iy jazalash we ünümlük aldini élish kishiler mayilliqi hem partiyining hayat - mamatliqi bilen munasiwetlik zor siyasiy mesile" dep körsetti. Xu jintaw, herbiy ishlar üstide toxtalghanda bir tereptin, herbiy islahat qedimini tézlitishni tekitlep, yene bir tereptin,xitayning menggü mushtumzor we kéngeymichi dölet bolmaydighanliqini bildürdi.

Qurultayning échilish murasimida közetküchilerning diqqitini qozghighan yene bir hadise, pinsiyidiki jya zéminning xu jintawdin kéyin 2 ‏- bolup sehnige chiqqanliqidur. Esli qa'idide xu jintawdin kéyin qalsa siyasiy byuroda 2 ‏- orundiki wu banggo 2 ‏- bolup sehnige chiqishi kérek idi. Xu, teywen mesiliside bir junggo siyasitini tekitlidi we teywen musteqilliqigha qarshi turidighanliqini eskertip, " teywendiki her qandaq siyasiy partiye peqet bir junggo siyasitini étirap qilsila......... Biz ular bilen her qandaq mesile üstide sözlishishke teyyar " dep körsetti. (Erkin)