Xitay : mérkélning dalay lama bilen uchrishishi bir xataliq


2007-11-29
Share

Xitay da'iriliri: "gérmaniye bash ministiri an'géla mérkélning bu yil 9 ‏- ayda tibetning diniy dahisi dalay lama bilen uchrashqanliqi bir xataliq" dep bildürüsh bilen teng, mérkélning kechürüm sorishini tekitlidi.

Xitay dölet bash ministiri wén jyabaw peyshenbe küni": dost ‏- yarenler bezi waqitlarda xataliq sadir qilip qoyidu, emma xataliqini tonup, ikkinchi qétim sewenlik ötküzmise, ular yenila dost hésablinidu" dédi. Wén jyabaw bu sözni béyjingda yawrupa ittipaqining rehberliri bilen körüshkende axbaratchilargha éytqan.

Gérmaniye bash ministiri an'géla mérkél xanimning dalay lama bilen uchrishishi, béyjing hökümitining qattiq ghezipini qozghighan bolup, hetta xitay bilen gérmaniye otturisida élip bérilidighan söhbetning bikar qilinishigha yol achqan idi.

Xitay terep yene, ötken bir qanche hepte ichide amérika, yaponiye hemde kanada qatarliq dölet rehberlirining dalay lamani qobul qilghanliqidinmu oxshashla qattiq narazi bolghan. Xitay dalay lamani" tibetke müsteqilliq telep qiliwatidu " dep izchil türde eyiblep keldi, biraq dalay lama özining heqiqy aptonomiyini yaqlaydighanliqini bildürmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet