Xangjuda chaqirilghan dunya budda munbirining yighinigha dalay lama qatnashturulmidi


2006-04-13
Share

Peyshenbe küni xitayning xangju shehiride bashlan'ghan tunji nöwetlik dunya budda munbiri yighini tibet rohani dahisi dalay lamaning ishtirakisiz bashlandi. Lékin yighin'gha xitay da'iriliri teripidin yölep turghuzulghan 11 - benchen lamaning ishtirak qilishi kishiler teripidin kütülmigen ehwal boldi. Bu até'izmgha ishinidighan xitay kompartiyisining 1949 -yili junggoda hakimiyetni tartiwalghandin buyan chaqirghan tunji xelq'ara diniy yighin bolup hésablinidu.

Yighinda ben chen lama tibet buddistlirini wetenperwerlikke we " döletni himaye qilish "qa chaqirdi. Bu yil 16 yashtiki gyaltsén norbu, tibet buddizimning 2- nomurluq erbapi we xitay da'irilirining dalay lamagha qarshi qollinidighan achquchluq kozuri bolup hésablinidu. 1995 - Yili xitay merkizi hökümiti uni 10 - benchen lamaning ornigha uning " qayta tughulushi", dep élan qilghan we dalay lama teripidin saylan'ghan gédun chokiy nyimani " qanunsiz, we inawetsiz " dep jakarlighan idi. Dalay lama teripidin saylan'ghan benchen lama shuningdin kéyin ghayip boldi we xitay hökümiti hazirghiche iz - dérikini bérishtin özini qachurup kelmekte.

Gyaltsén norbu yighinda " döletni himaye qilish we xelq üchün xizmet qilish buddizimning dölet we jem'iyet aldida öteydighan aliy mejburiyiti " deydu. U 10 - benchen lamani medhiyilep, " döletning birliki we xelqning ittipaqliqi üchün alahide zor töhpe qoshqan " dep körsetti. Lékin 10 ‏- benchen lama xitay hökümitining tibet siyasitini tenqid qilghanliqi üchün uzun yillarche türmide yatqan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet