Далай лама японийигә қаратқан бир һәптилик зияритини башливәтти
2007.11.15
Тибәтниң диний даһиси далай лама пәйшәнбә күни японийигә йетип берип, японийидә елип баридиған бир һәптилик зияритини башливәтти. Далай лама японийидә очуқ нутуқ сөзлигәндин сирт, японийиниң ғәрбидики қәдимий сәйлигаһида зиярәттә болуш шуниңдәк токйода өткүзүлидиған диний муһакимә йиғинида сөз қилиш паалийәтлиригә қатнишидикән.
японийә һөкүмити хитайниң қаршилиқ көрситишиниң алдини елиш үчүн, далай ламаниң японийидә сиясий паалийәтләр елип бармаслиқини шәрт қилған. Далай ламаниң йеқиндин буян германийә, канада вә америкида елип барған зиярәт вә паалийәтлири хитай һөкүмитиниң қаттиқ наразилиқини қозғиған иди.
Далай ламаниң японийә зиярити уйғур миллий һәрикитиниң йетәкчиси вә уйғурларниң мәнивий аниси рабийә қадир ханимниң японийә зиярити давамлишиватқан бир пәйткә тоғра кәлгән болуп, бу хитайдин өзлириниң кишилик һоқуқи вә әркинликини тәләп қиливатқан тибәт вә уйғур миллити вәкиллириниң иккинчи қетим бир дөләттә тәңла вақитта зиярәт елип бериши һесаблиниду. Далай лама билән рабийә қадир ханим бир қанчә ай илгири германийиниң һамбург шәһиридә учрашқан иди.
Хитай 1950 - йилидин буян тибәтни өз һакимийити астиға елиш билән биргә, далай ламани тибәтниң мүстәқиллиқини тәрғип қилип келиватқан " бөлгүнчи" дәп әйибләп кәлмәктә .
Бу арида хитай ташқи ишлар министирлиқиниң баянатчиси лю җәнчав пәйшәнбә күни, японийә һөкүмитиниң далай ламаниң японийә зияритигә йол қойғанлиқидин қаттиқ әпсусланғанлиқини билдүрди. (Әқидә)
Мунасивәтлик мақалилар
- Хитай далай ламаниң ватиканни зиярәт қилишиға қарши турди
- Далай лама канада баш министири стипан харпер билән көрүшкән
- Хитай америка һөкүмитигә далай ламаға алтун медал бәргәнлики үчүн қаттиқ наразилиқ билдүрди
- Хитай һиндистандики әлчиханисиниң һуҗумға учришини далай ламаға артти
- Президент буш далай ламаға америка дөләт мәҗлиси алтун медали тарқитиш мурасимиға қатнишиду
- Германийә баш министири ангела меркел тибәтләрниң роһаний даһийси далай ламани қобул қилди
- Австрийә баш министири гусенбейр далай лама билән көрүшти
- Хитай һөкүмити германийә баш министириниң далай ламани күтүвалмақчи болғанлиқиға наразилиқ билдүрди
- Америка диний әркинлик комитети хитайни әйиблиди
Көп көрүлгән хәвәрләр
RFA
- Истанбулда “уйғур мәһәллиси” қурулушиниң пүтүп чиқиши мунасивити билән ечилиш мурасими өткүзүлди
- Уйғур вәкиллири түркийә парламентидин уйғур қирғинчилиқини өз күнтәртипигә қоюшни тәләп қилди
- Торонто университети доклати: “уйғур аял кишилик һоқуқ қоғдиғучилири вә журналистлар хитайниң мисли көрүлмигән бастурушиға учриған”
- Б д т да милләтләрниң вәкиллик қилиш һәқ-һоқуқлири муһакимә қилинди
- Ташкәнттә уйғур 12 муқами хәлқара фестивали болуп өтти